कम्पनीकाे आईपीओमा अन्तिम दिनसम्म कुल १३ लाख ६४ हजार ३ सय ५३ जना लगानीकर्ताहरूले आवेदन दिएका थिए । जसमध्ये, १३ लाख ५६ हजार ८ सय ३५ जनाको आवेदन मात्रै योग्य रहेकाे थियाे ।
मागभन्दा धेरै आवेदन परेकाे हुनाले कम्पनीकाे आईपीओ गाेलाप्रथाद्वारा बाँडफाँड गरिएकाे थियाे । गाेलाप्रथाद्वारा बाँडफाँड गर्दा ९ लाख ६० हजार जना लगानीकर्ताहरूले मात्रै सेयर हात पारेका छन् । । बाँकीको भने हात खाली भएकाे छ ।
कम्पनीले सर्वसाधारणका लागि साउन २३ गतेदेखि साउन २६ गतेसम्म आईपीओ बिक्री गरेकाे थियाे । कम्पनीले १०० रूपैयाँ फेस भ्यालुमा १५७ रूपैयाँ प्रिमियम थपेर प्रतिकित्ता २५७ रुपैयाँमा कुल १ करोड २० लाख कित्ता आईपीओ बिक्री गर्न नेपाल धितोपत्र बोर्डबाट अनुमति पाएको थियो ।जसमध्ये १० प्रतिशत दरको १२ लाख कित्ता आईपीओ वैदेशिक रोजगारीमा रहेका नेपालीमा बिक्री गरी बाँडफाँड गरिएको थियाे । कर्मचारीहरूका लागि भने ६ लाख कित्ता आईपीओ प्रतिसेयर १०० रुपैयाँ अंकित मूल्यमै बिक्री गरिएको हो ।साेबाहेक ६ लाख कित्ता आईपीओ सामूहिक लगानी कोषका लागि छुट्याएर बाँकी रहेको ९६ लाख कित्ता आईपीओ भने सर्वसाधारणका लागि निष्कासनमा ल्याएको हो ।