काठमाडौँ, २९ भदौ :
नेपाल आयलले पेट्रोल र डिजेलको मूल्यमा वृद्धि गरेको छ। नेपाल आयलले आजदेखि लागू हुने गरी प्रतिलिटर पेट्रोलको मूल्य रु १ र डिजेल र मट्टितेलको मूल्य रु ३ वृद्धि गरेको हो।
मूल्य समायोजनसँगै काठमाडौँ, पोखरा, र दिपायल क्षेत्रमा प्रतिलिटर पेट्रोलको मूल्य रु एक सय ८३ र डिजेल/मट्टितेलको मूल्य रु एक सय ७३ हो। सुर्खेत र दाङमा प्रतिलिटर पेट्रोलको मूल्य रु एक सय ७२ र डिजेल/मट्टितेलको मूल्य रु एक सय ७२ हो। चारआली, विराटनगर, जनकपुर, अमलेखगाँज, भलवारी, नेपालगाँज, धनगढी र वीरगंजमा प्रतिलिटर पेट्रोलको मूल्य एक सय ८० रुपैयाँ ५० पैसा र डिजेल/मट्टितेलको मूल्य एक सय ७० रुपैयाँ ५० पैसा हो।
इन्डियन आयल कर्पोरेशनले अहिलेसम्म प्राप्त गरेको नयाँ खरिदमूल्यमा क्रमशः पेट्रोल र डिजेलको मूल्य प्रतिलिटर रु १२ पैसा र २ रुपैयाँ ९१ पैसा वृद्धि गरेको हुनाले नेपाल आयलले खुद्रा बिक्री मूल्यलाई बढाउनु परेको छ। यसको जानकारी नेपाल आयलका प्रवक्ता मनोज ठाकुरले दिएका छन्।
For more ⬇️
 |
| https://enepalonline.blogspot.com/2023/09/news-and-update.html?m=1 |